Më poshtë do gjeni një përzgjedhje të hoteleve në Voskopojë.
Voskopoja ndodhet vetëm 13 km në perëndim të Korçës. Është rreth 194 km nga Tirana dhe 211 km nga Aeroporti Ndërkombëtar i Tiranës. Voskopoja ka qenë një qendër e rëndësishme kulturore me shumë kisha dhe një nga qytetet e parë që kane zhvilluar shtypin e shkruar në Ballkan. Sot njihet për afresket e kishave të pikturuara nga disa prej piktorëve më të talentuar shqiptarë. Në Voskopojë mund të vizitoni: kishat me afreske, (“Shën Mihali” (1726), “Shën Thanasi” (1724), “Shën Ilia”, “Shën Meria”. Piktura më e mirë bizantine në këtë zonë gjendet tek kisha e “Shën Kollit”.
